L-Eċċellenza Tagħha, l-Ambaxxatriċi ta’ Franza f’Malta, Madame Sandrine Lelong-Motta, akkumpanjata minn Monsieur Renaud Lallement, Kunsillier Kulturali fl-Ambaxxata, is-Sur David Schembri, rappreżentant tal-EU House, u s-Sinjura Doreen Farrugia, Koordinatriċi Edukattiva għall-Franċiż, żaret l-Iskola Sekondarja Lily of the Valley f’Mosta, li tifforma parti mill-Kulleġġ Maria Regina, nhar il-Ġimgħa 9 ta’ Mejju – Jum l-Ewropa.

Matul iż-żjara tagħha, l-Ambaxxatriċi attendiet lezzjoni tal-Franċiż tas-Sena 9 flimkien mas-Sinjura Stephanie Zammit, Kap tad-Dipartiment, u mas-Sinjura Béatrice Calleja Palmier, għalliema tal-Franċiż. L-istudenti kellhom l-opportunità jistaqsu mistoqsijiet u jiddiskutu diversi suġġetti mal-Ambaxxatriċi. Flimkien mat-tmexxija tal-iskola, l-Eċċellenza Tagħha esplorat modi kif jiżdied in-numru ta’ studenti li jagħżlu li jistudjaw il-Franċiż fl-iskola.