Les Palmiers🥐

X’jiġri meta l-vokabularju Franċiż jiltaqa’ mal-kreattività fil-kċina?

Kollaborazzjoni interkurrikulari mill-aqwa!

L-istudenti tas-Sena 8 fl-Iskola Medja Maria Goretti tal-Kulleġġ San Tumas More għexu tassew l-ispirtu ta’ Franza waqt lezzjoni reċenti tal-Home Economics, fejn ħejjew Les Palmiers – gallettini Franċiżi magħrufa u maħbuba.

Din l-esperjenza interessanti, immexxija kemm mill-għalliema tal-Home Economics kif ukoll mill-għalliema tal-Franċiż, tat lill-istudenti l-opportunità li jipprattikaw il-vokabularju Franċiż tagħhom permezz ta’ attività prattika fil-kċina. Ir-riżultat ma kienx biss ikla delizzjuża, iżda wkoll fehim aktar profond tal-kultura Franċiża u żvilupp ta’ ħiliet kulinarji prattiċi.

Din l-attività kienet eżempju mill-aqwa ta’ ħidma f’tim u tagħlim li jgħaqqad suġġetti differenti b’mod kreattiv u interessanti.

Félicitations et Bravo lill-istudenti tat-8 Sena tal-Iskola Medja Maria Goretti tal-Kulleġġ San Tumas More! 👏🎉