Tisjir ta’ crêpes fil-Kulleġġ San Benedittu, L-Iskola Medja Ħal Kirkop

Din is-sena, l-istudenti tat-8 sena fil-Kulleġġ San Benedittu, L-Iskola Medja Dr Maria Sciberras, Ħal Kirkop, ħadu sehem f’attività divertenti u interessanti fejn ippreparaw crêpes ħelwin u bnini bħala parti mit-tagħlim tagħhom dwar is-suġġett Franċiż “À boire et à manger”. Din is-sessjoni prattika tat lill-istudenti l-opportunità jipprattikaw u jsaħħu l-vokabolarju Franċiż relatat mal-ikel, ix-xorb, l-ingredjenti u l-metodi tat-tisjir f’kuntest sinifikanti u interattiv.

Permezz ta’ din l-attività, l-istudenti żviluppaw il-ħiliet tagħhom fit-taħdit, is-smigħ u l-qari bil-Franċiż billi segwew istruzzjonijiet, identifikaw ingredjenti u użaw espressjonijiet relatati mal-ikel waqt il-proċess tal-preparazzjoni. Din l-esperjenza għenet lill-istudenti jgħaqqdu t-tagħlim tal-lingwa ma’ sitwazzjonijiet reali ta’ kuljum, u b’hekk il-lezzjoni saret kemm memorabbli kif ukoll pjaċevoli. L-istudenti ħadu gost ħafna bl-opportunità li jgħaqqdu t-tagħlim tal-lingwa ma’ applikazzjoni prattika fil-laboratorju tal-Home Economics. L-attività kienet esperjenza li saħħet il-kunfidenza u l-entużjażmu tal-istudenti fit-tagħlim tal-lingwa Franċiża.