Il-gastronomija Franċiża fl-iskola!

Fis-7 ta’ Mejju, il-“crêpe fever” laqtet lill-Iskola Sekondarja Margaret Mortimer f’Santa Luċija! Grazzi għal inizjattiva organizzata mill-Kap tad-Dipartiment u l-għalliema tal-Franċiż, l-iskola nbidlet f’rokna żgħira ta’ Franza hekk kif dulċier b’esperjenza qatta’ l-ġurnata kollha jipprepara crêpes Franċiżi friski għall-istudenti u l-istaff. 🥞😋

Ir-rispons kien inkredibbli, b’kjuwijiet twal ta’ nies ħerqana biex iduqu dawn il-crêpes delizzjużi! L-eċċitament kien kbir, il-kjuwijiet kienu twal, iżda l-crêpes kienu jiswew kull sekonda ta’ stennija! 🤩

Ir-riħa tal-crêpes friski mliet il-kurituri u setgħet tinxtamm madwar l-iskola kollha, filwaqt li mużika Franċiża kienet qed tindaqq fl-isfond. 🎵 L-istudenti kienu kollha ħerqana jistennew imisshom; l-attività kienet suċċess kbir.

Mimlijin biċ-ċikkulata 🍫 u b’għażla ta’ togħmiet oħrajn differenti , il-crêpes kienu sempliċement irresistibbli.

Vive la France! 👏🎉