Prosit lil kulħadd!

Kburin ferm bl-istudenti li jitgħallmu l-Franċiż minn skejjel tal-Istat, Indipendenti u tal-Knisja li ħadu sehem fil-kompetizzjoni Bonġu! Numru 1! 🏆 L-isfida kienet li jużaw il-kreattività u l-immaġinazzjoni tagħhom biex iżejnu bieb tal-iskola tagħhom b’tema Franċiża, u l-istudenti kollha tassew qabżu l-limiti tagħhom.

Id-disinn rebbieħ fost l-Iskejjel Medji (Middle Schools) kien dak tal-Kulleġġ San Tumas More, Maria Goretti, Skola Medja Tarxien . Din id-dekorazzjoni tal-bieb kellha tema kulinarja Franċiża simpatika, ispirata mill-film Ratatouille, bl- slogan “Ici on aime manger!” u kienet tinkludi l-kuluri Franċiżi, it-Torri Eiffel u ikel u ħlewwiet Franċiżi magħmulin bil-kartonċin.

Id-disinn rebbieħ fost l-Iskejjel Sekondarji (Senior Schools), kien dak tal-Kulleġġ San Tumas More, Margaret Mortimer, Skola Sekondarja  Santa Luċija. Dan kien jinkludi mudell sabiħ tat-Torri Eiffel b’xena Pariġina fl-isfond, kompluta bl-ismijiet ta’ toroq famużi ta’ Pariġi u dwal li jleqqu li taw ħajja lix-xena. ✨🗼 L-attenzjoni għad-dettall, il-ħidma f’tim u l-kreattività tagħhom impressjonaw lill-ġudikaturi u wrew mhux biss l-imħabba tal-istudenti lejn il-lingwa Franċiża, iżda wkoll il-viżjoni artistika tagħhom.

Biex jiġi ċċelebrat dan is-suċċess, l-Uffiċjal tal-Edukazzjoni tas-suġġett, is-Sinjura Farrugia, żaret l-iskola rebbieħa, qattgħet ħin titkellem mal-istudenti dwar ix-xogħol tagħhom u personalment ippreżentatilhom iċ-ċertifikati u l-premjijiet.

Prosit lil kulħadd! Il-kreattività, il-ħidma f’tim u l-motivazzjoni tagħkom kienu tassew ta’ ispirazzjoni!