Fit-28 ta’ Ottubru 2025 fl-Iskola Medja tal- Kulleġġ San Nikola, Rabat, Malta, ġiet organizzata għat-tieni darba l-attività li tiċċelebra t-tagħlim tal-lingwi fl-iskejjel tagħna.

L-istudenti kellhom ukoll l-opportunità li jiltaqgħu mar-rappreżentant tal-Kummissjoni Ewropea f’Malta, li tkellem magħhom dwar l-opportunitajiet ta’ xogħol li wieħed jista’ jsib permezz tal-lingwi.

Wara, ġew organizzati diversi logħob u attivitajiet minn dipartimenti differenti tal-lingwi għall-istudenti preżenti, li ġew maqsumin fi gruppi żgħar u ħadu sehem b’interess. Din l-attività attendewha studenti tat-tmien sena mill-Kulleġġi San Injazju u San Nikola.