Il-15 ta’ Mejju kien il-jum meta l-iskola nediet l-ewwel edizzjoni tal-Avveniment Multikulturali. L-għan kien li titqajjem aktar kuxjenza fost l-istudenti, l-istaff u l-qraba tagħhom dwar l-importanza li niċċelebraw id-diversità, l-inklużjoni u l-għaqda. L-avveniment kien opportunità eċċellenti biex niskopru l-ħafna kulturi li diġà jeżistu fil-komunità tagħna.

L-istudenti kollha tal-iskola kienu mistiedna jipparteċipaw f’dan l-avveniment speċjali. Huma kienu mistiedna jduru mal-istands tal-lingwi differenti u jieħdu sehem fl-attivitajiet. L-istudenti żaru l-istand tal-Franċiż li kien organizzat mid-Dipartiment tal-Franċiż. Ġew offruti tlett attivitajiet ewlenin: tagħżel u tikteb il-kelma Franċiża favorita tiegħek, tagħmel attività divertenti online u, bħala l-qofol tal-attività, tilbes kostum għal selfie. L-istudenti ħadu ritratt waqt li wrew s-simbolu Franċiż favorit tagħhom.

Kien il-mod perfett biex jitgħallmu dwar tradizzjonijiet, ikel, drawwiet kulturali u aktar. Dawk kollha li ħadu sehem ingħataw croissant. Kienet opportunità eċċellenti biex wieħed jiltaqa’, jikkollabora u jiċċelebra d-diversità flimkien.