La Tomatina – huwa festival li jsir fil-belt Valenzjana ta’ Buñol, fil-Lvant ta’ Spanja 30 kilometru l-bogħod mill-Mediterran, li fih il-parteċipanti jitfgħu t-tadam u jinvolvu ruħhom fi ġlieda tat-tadam għal skopijiet purament ta’ divertiment. Ilu jsir mill-1945 u ssir fl-aħħar Erbgħa ta’ Awwissu, waqt ġimgħa ta’ festi f’Buñol.
Los San Fermines – hija ċelebrazzjoni ta’ ġimgħa u b’għeruq storiki li ssir kull sena fil-belt ta’ Pamplona, Navarra, fit-Tramuntana ta’ Spanja. Iċ-ċelebrazzjonijiet jibdew f’nofsinhar tas-6 ta’ Lulju u jkomplu sa nofs il-lejl tal-14 ta’ Lulju. Iċ-ċelebrazzjonijiet jibdew bil-logħob tan-nar u fl-aħħar titkanta l-kanzunetta popolari Pobre de mí. L-aktar avveniment famuż huwa l-ġirja tal-barrin, li tibda fit-8 ta’ filgħodu mis-6 sal-14 ta’ Lulju, iżda l-festival jinvolvi ħafna avvenimenti tradizzjonali u folkloriċi oħra. Hija magħrufa lokalment bħala San Fermines u ssir f’ġieħ San Fermin, il-ko-patrun ta’ Navarra.
Las Ferias de Abril – isiru fil-kapitali Andalusa ta’ Sevilja, Spanja. Il-fiera ġeneralment tibda ġimgħatejn wara Semana Santa, jew il-Ġimgħa Mqaddsa tal-Għid. Il-fiera tibda uffiċjalment f’nofsillejl is-Sibt, u tibqa’ għaddejja għal sebat ijiem, u tispiċċa s-Sibt ta’ wara. Kuljum f’nofsinhar il-festa tibda bil-parata tal-karozzini u r-rikkieba, li jġorru ċ-ċittadini ewlenin ta’ Sivilja li jkunu fi triqthom lejn l-arena tal-barrin, La Real Maestranza, fejn jiltaqgħu l-barrin u dawk li jrabbuhom. Matul il-fiera, l-artijiet tal-fieri u żona vasta fuq ix-xatt imbiegħed tax-Xmara Guadalquivir ikunu kompletament miksija f’ringieli ta’ casetas (tined imżejjen individwali u li jkunu temporanjament mibnija fuq il-post tal-fiera). Dawn il-casetas normalment jappartjenu għal familji prominenti ta ‘Sevilja, gruppi ta’ ħbieb, klabbs, assoċjazzjonijiet tal-kummerċ u partiti politiċi. Mid-disgħa ta’ bil-lejl il-quddiem ikun hemm folol ta’ nies jiżfnu sevillanas, jixorbu ix-Sherry, manzanilla jew rebujito u jieklu tapas. Din il-fiera għandha wkoll park tad-divertiment bir-roller coasters.
Il-Ġimgħa Mqaddsa – hija l-ġimgħa ta’ qabel l-Għid. Spanja hija famuża ħafna għall-festi reliġjużi u purċissjonijiet li jsiru matul din il-ġimgħa.
Las Fallas – tiġi ċċelebrata f’Valencia kull sena mill-15 ta’ Marzu sad-19 ta’ Marzu. Las Fallas huwa l-akbar festival annwali ta’ Valencia. Hija ċelebrazzjoni tradizzjonali li ssir b’tifkira ta’ San Ġużepp. Iżda hija aħjar deskritta bħala festa massiva fit-triq li ddum 5 ijiem. Aktar minn 700 statwa jew monument enormi, fil-biċċa l-kbira tal-kartapesta, li damu sena biex jinbnew, huma mqiegħda madwar il-belt u fl-ibliet ġirien. Il-fokus ta’ dan il-festival huwa l-ħolqien u l-ħruq eventwali ta’ dawn il-monumenti, imsejħa fallas. Il-falla, magħmula minn diversi ninots (pupazzi jew mannequins), ħafna drabi juru xeni satiriċi u ġrajjiet kurrenti. Il-viċinanzi ta’ Valenzja jiltaqgħu flimkien u jaħdmu għal kważi s-sena kollha biex joħolqu l-falla tagħhom stess. Fid-19 ta’ Marzu, wara jiem ta’ festi, il-parteċipanti jaħarqu l-falli f’ħuġġieġa kbira, u x-xogħol iebes kollu jispiċċ fid-duħħan. B’vot popolari, tnejn min-ninot jiġu meħlusa kull sena. Dan jissejjaħ in-ninot indultat, jew il-mannequin maħfur, u huwa esebit fil-Mużew tal-Fallas ta ‘Valencia.
