Il-Ġermaniż huwa l-lingwa nattiva l-aktar mitkellma fl-Unjoni Ewropea. Hija mitkellma minn 120 miljun persuna fl-Ewropa. Sprachraum Ġermaniż jirreferi għaż-żona tal-Ewropa Ċentrali li titkellem bil-Ġermaniż, li tinkludi l-Ġermanja, l-Awstrija, l-Isvizzera u l-Liechtenstein. Hija wkoll lingwa uffiċjali fit-Tirol t’ Isfel (l-Italja), il-Belġju u l-Lussemburgu, u lingwa ta` minorita` fil-Bosnja-Ħerzegovina, ir-Repubblika Ċeka, id-Danimarka, l-Ungerija, il-Polonja, ir-Rumanija, u n-Namibja.

Il-Ġermaniż spiss kien jissejjaħ il-lingwa tad-Dichter und Denker jew il-kittieba u l-ħassieba. Pereżempju, l-istorja epika Faust tal-awtur il-kbir Johann Wolfgang von Goethe hija meqjusa bħala waħda mill-akbar teżori nazzjonali tal-Ġermanja. Ħassieba notevoli oħra huma Kant, Marx, Humboldt, Kafka u Nietzsche.

L-ewwel ktieb stampat inkiteb bil-Ġermaniż. Il-Bibbja ta` Gutenberg, li ġiet pubblikata fl-1454, kienet l-ewwel ktieb li ġie stampat bl-użu nnovattiv, li ta bidu għaż-żmien tal-ktieb stampat. Is-suq Ġermaniż tal-kotba jipproduċi madwar 60, 000 pubblikazzjoni ġdida kull sena. Dan jirrappreżenta 18% tal-kotba kollha ppubblikati madwar id-dinja.

Barra minn hekk il-Ġermaniż huwa ċentrali fil-qasam tat-turiżmu u fl-industrija ta’ l-ospitalita’ minħabba l-influss ta’ turisti minn pajjiżi li jitkellmu bil-Ġermaniż li jħobbu jivvjaġġaw u huma magħrufa bħala l-aktar nies li jonfqu flus fid-dinja meta jkunu fuq btala. Il-bżonn ta’ nies li jitkellmu bil-Ġermaniż qed ikompli jikber kemm f’ Malta kif ukoll madwar id-dinja.

Kif innota l-Istitut Goethe, istituzzjoni mwaqqfa biex tippromwovi t-tagħlim u l-kultura tal-Ġermaniż madwar id-dinja, l-għarfien tal-Ġermaniż huwa ta’ benefiċċju għall-konnessjonijiet kummerċjali globali u jżid l-opportunitajiet ta’ xogħol ma’ kumpaniji Ġermaniżi u barranin. L-għarfien tal-lingwa huwa ċentrali għal komunikazzjoni effettiva u biex jinbnew relazzjonijiet aktar b’ saħħithom ma` partners kummerċjali Ġermaniżi.

• Il-Ġermanja saret Stat indipendenti fl-1871, meta ġie pproklamat l-Imperu Ġermaniż. Madankollu, xi wħud se jgħidu li l-Ġermanja verament saret pajjiż modern fl-1990, meta l-Ġermanja tal-Punent u tal-Lvant ingħaqdu mill-ġdid.

• Il-qari għandu għeruq fondi fil-kultura Ġermaniża. Illum il-ġurnata, il-Festival tal-Ktieb ta’ Frankfurt huwa meqjus bħala l-akbar wieħed tax-xorta tiegħu fid-dinja.

• Il-ħobż huwa wkoll simbolu ewlieni tal-identita’ Ġermaniża, u 17,000 furnar fil- Ġermanja joħolqu’ l fuq minn 300 tipi differenti ta` ħobż.

• Il-futbol jiddomina d-divertiment Ġermaniż. Fil-Ġermanja hemm 26,000 klabb tal-futbol, b’ aktar minn 6 miljun membru, u t-tim nazzjonali għandu suċċess kbir, wara li rebaħ 4 Tazzi Dinjija.

• Il-Ġermaniżi jħobbu jsiefru, u flushom isiefer magħom wkoll. Fil-fatt, dawn jonfqu aktar minn kull vjaġġatur ieħor.

• Meta t-tfal jidħlu l-iskola, huma jirċievu lenbut tal-kartun mimmli ġugarelli jew ħelu li jissejjaħ Schultüte. Huwa simbolu tad-dħul fil-ħajja “serja” – u mod kif ittaffi l-istress meta tinsab f’ ambjent ġdid u stramb.

• L-ebda belt fid-dinja m ’għandha aktar swejqiet mill-kapitali Ġermaniża, li tospita 120 mil ta’ passaġġi fuq l-ilma. Famuża għall-ħarġiet fuq dgħajjes tal-qlugħ!

• Berlin tospita wkoll mużew iddedikat biss lil Currywurst (zalzett tal-kari). Din mhix sorpriża, hekk kif in-nattivi ta ’Berlin jieklu 70 miljun minnhom kull sena.

• Aktar minn 30% tal-Ġermanja hija miksija bil-foresta, b ’tali mod li t-80 miljun ruħ fil- Ġermanja jgħixu qalb is-siġar!

• Germany really is a fairy tale land. The Grimm Brothers dedicated their lives to collecting German folk tales and weaving them into tales that have been a part of children’s bedtimes around the world for centuries. Germany still proudly celebrates the Brothers’ gift for storytelling all along its Fairy Tale Route. It is believed that they drew inspiration for their magical stories from their surroundings: places across Germany where they were born, spent their formative years, studied and worked.